«Авиценна» университет эл аралык медициналык олимпиада жана «Мед-Экспо – 2026» иш-чарасын өткөрдү.

«Авиценна» эл аралык медициналык университетинде Эл аралык медициналык олимпиада жана «Мед-Экспо – 2026» ийгиликтүү өтүп, жогорку окуу жайларынын студенттерин бириктирди.

Бул иш-чара келечектеги медициналык адистердин кесиптик билимдерин, практикалык көндүмдөрүн жана инновациялык ой жүгүртүүсүн көрсөтүү үчүн маанилүү аянтча болду. Катышуучулар өз компетенцияларын текшерип гана тим болбостон, тажрыйба алмашууга, академиялык байланыштарды түзүүгө жана медицинадагы заманбап ыкмаларды сунуштоого мүмкүнчүлүк алышты.

Олимпиада үч этапта өттү:

I этап – теориялык, анда катышуучулар медициналык дисциплиналар боюнча фундаменталдык билим деңгээлин көрсөтүштү;
II этап – практикалык, клиникалык ой жүгүртүүнү жана медициналык жардам көрсөтүү көндүмдөрүн баалоого багытталган;
III этап – инновациялык, анда командалар медицина тармагындагы автордук долбоорлорун, заманбап чечимдерин жана технологиялык иштелмелерин сунушташты.

Олимпиада менен катар «Мед-Экспо – 2026» көргөзмөсү уюштурулду. Анын алкагында катышуучулар саламаттык сактоо жана медициналык билим берүү тармагындагы инновациялык иштеп чыгууларды, илимий долбоорлорду жана жетишкендиктерди сунушташты.

Мындай иш-чараларды өткөрүү медициналык билим берүүнүн сапатын жогорулатууга, студенттердин илимий потенциалын өнүктүрүүгө жана эл аралык кызматташтыкты бекемдөөгө өбөлгө түзөт.

Эл аралык «Авиценна» медициналык университети жогорку квалификациялуу адистерди даярдоого жана заманбап билим берүү технологияларын киргизүүгө багытталган демилгелерди активдүү колдоону улантууда.